Skënder Muçon na e vranë

Trathëtarët me Gjermanë

Me tre plumba na i ranë

Mu në kokë.

Ky petrit i Labërisë

Flamurtari i Lirisë

Për lavdi të Shqipërisë

Ra në tokë.

Ra për tok’ ndërsa punonte

Kur Vatani gjak kërkonte

Kur armiku na mundonte

Në rob’ri.

Yll’i ndritur, perënduar

Perëndim me gjak i shkruar

Për mbi tok’n e skllavëruar

U-bë fli.

Shiu gjakun s’do t’ja lajë

Mëmë-Shqipja s’do t’a qajë

Zi Shqiptari s’do të mbajë

Sa të rrojë.

Gjak’i tij do t’japë jetë

Do lind’ shpirtin e vërtetë

Që do ngrihet lart përpjetë

T’a këndojë.

Ky hero i epopesë

Q’u-bë fli për Komb’e besë

Flamurtar siç qe do t’mbesë

Për liri.