{"id":1455,"date":"2026-06-06T12:38:50","date_gmt":"2026-06-06T10:38:50","guid":{"rendered":"http:\/\/www.ballikombetar.org\/?p=1455"},"modified":"2026-06-06T12:43:02","modified_gmt":"2026-06-06T10:43:02","slug":"djaleria-shqiptare","status":"publish","type":"post","link":"http:\/\/www.ballikombetar.org\/index.php\/2026\/06\/06\/djaleria-shqiptare\/","title":{"rendered":"Djal\u00ebria Shqiptare"},"content":{"rendered":"\n

Profesor Abas Ermenji<\/strong><\/p>\n\n\n\n

Kur sjellim nd\u00ebr ment se dramin t’on\u00eb komb\u00ebtar t\u00eb k\u00ebtyre dhjet\u00eb vjet\u00ebve t\u00eb fundit – si n\u00eb luft\u00ebn e \u00e7lirimit prej t\u00eb huajvet ashtu edhe n\u00eb luft\u00ebn civile, qoft\u00eb nga ana e komunist\u00ebvet, qoft\u00eb nga ana e demokrat\u00ebvet – e ka lozur t\u00ebr\u00ebsisht djal\u00ebria; kur kujtojm\u00eb gjithashtu se n\u00eb k\u00ebt\u00eb luft\u00eb, nga m\u00eb t\u00eb r\u00ebndat q\u00eb ka hequr kombi yn\u00eb, kan\u00eb mbetur p\u00ebrmbi tridhjet\u00eb mij\u00eb t\u00eb vrar\u00eb dhe \u00ebsht\u00eb djegur e shkretuar nj\u00eb pjes\u00eb e madhe e Shqip\u00ebris\u00eb; pastaj kur arsyetojm\u00eb se popujt \u00e7do gj\u00eb tjet\u00ebr munt t\u00eb b\u00ebnin, vet\u00ebm p\u00ebr t’u-vrar\u00eb q\u00eb s’vriten nga qejfi, doemos duhet t’a mendojm\u00eb mir\u00eb se \u00e7’\u00ebsht\u00eb djal\u00ebria shqiptare dhe \u00e7’k\u00ebrkon. Nga ana tjet\u00ebr, kur shikojm\u00eb se, ajo q\u00eb ngjau nd\u00ebr ne ka ngjar\u00eb ose po n’gjan n\u00eb nj\u00eb form\u00eb pak a shum\u00eb t\u00eb nj\u00ebjt\u00eb edhe nd\u00ebr popuj t\u00eb tjer\u00eb rreth nesh, duhet t’a l\u00ebshojm\u00eb mendimin n\u00eb nj\u00eb horizont m\u00eb t\u00eb gjer\u00eb, t\u00eb kuptojm\u00eb disa probleme shoq\u00ebrore q\u00eb lidhen me qytet\u00ebrimin e koh\u00ebs, dhe t\u00eb mundohemi t’iu gjejm\u00eb m\u00ebnyr\u00ebn e zgjidhjes.<\/p>\n\n\n\n

Historia dhe zhvillimi shoq\u00ebror<\/strong><\/p>\n\n\n\n

Esht\u00eb nj\u00eb e v\u00ebrtet\u00eb e njohur se n\u00eb bot\u00ebn e njer\u00ebzvet nuk ka gj\u00eb t\u00eb q\u00ebndruarshme, se popujt dob\u00ebsohen e bjen\u00eb, t\u00eb tjer\u00eb marrin forc\u00eb dhe ngrihen, klas\u00eb sundonj\u00ebse prishen dhe \u00e7thuren, klas\u00eb t\u00eb shtypura \u00e7ohen lart. Ligje e zakone t\u00eb vjetra \u00e7vleft\u00ebsohen e humbasin, t\u00eb tjera vin\u00eb n\u00eb fuqi, shkurt, kjo bot\u00eb \u00ebsht\u00eb nj\u00eb hipje e zbritje energjish, nj\u00eb lod\u00ebr nd\u00ebrrimesh e transformimesh q\u00eb i jep fytyr\u00ebs s\u00eb saj m\u00eb \u00e7do koh\u00eb nj\u00eb pamje t\u00eb ve\u00e7ant\u00eb. Dhe po t\u00eb mos ish k\u00ebshtu, njer\u00ebzit s’do t\u00eb kishin ardhur dot n\u00eb qytet\u00ebrimin e sotm\u00eb por do t\u00eb jetonin akoma n\u00ebp\u00ebr shpella, shok\u00eb me arinjt\u00eb dhe majmun\u00ebt.<\/p>\n\n\n\n

\u00c7do bres q\u00eb vjen pra, sjell di\u00e7ka t\u00eb re n\u00eb njer\u00ebzi, disa zakone e pik\u00ebpamje t\u00eb vjetra humbasin nga r\u00ebnd\u00ebsi e tyre, t\u00eb tjera lindin ose forcohen, fuqia ekonomike-politike l\u00ebvis dhe ajo nga pak\u00eb prej familjesh n\u00eb familje, a prej grupesh n\u00eb grupe. Gjer k\u00ebtu jemi mir\u00eb pse ky ligj kuptohet pak a shum\u00eb prej \u00e7do njeriu q\u00eb ka k\u00ebnduar ndopak\u00eb nga historia ose iu ka v\u00ebn\u00eb re ndryshimeve q\u00eb kan\u00eb ngjar\u00eb n\u00eb koh\u00ebn e tij. Por gj\u00ebja m’e v\u00ebshtir\u00eb p\u00ebr t’u kuptuar, \u00ebsht\u00eb shkaku ose shkaqet se p\u00ebrse n\u00eb disa koh\u00eb ndryshimi prej nj\u00eb brezi n\u00eb tjetrin \u00ebsht\u00eb aq i vog\u00ebl sa mezi \u00e7quhet, kurse n\u00eb koh\u00eb t\u00eb tjera aq\u00eb i math sa duket sikur nj\u00eb bres prej tjetrit e ndajn\u00eb disa qindra vjet\u00ebsh. P\u00ebr shembull ndryshimet q\u00eb ka p\u00ebsuar struktura shoq\u00ebrore e disa popujve q\u00eb nga shekulli i n\u00ebnt\u00ebmb\u00ebdhjet\u00eb e t\u00ebhu, jan\u00eb m\u00eb t\u00eb m\u00ebdha nga ato q\u00eb kish p\u00ebsuar gjat\u00eb dymij\u00eb vjet\u00ebve histori, q\u00eb nga koh\u00ebt p\u00ebrpara Krishtit, e gjer n\u00eb shekullin e n\u00ebnt\u00ebmb\u00ebdhjet\u00eb. S’do shum\u00eb mend t\u00eb kuptohet se ky transformim n\u00eb struktur\u00ebn shoq\u00ebrore t\u00eb popujvet, q\u00eb, n\u00eb koh\u00ebt t’ona, po shkon me rr\u00ebmbin vale, lidhet me vrapin q\u00eb kan\u00eb marr\u00eb shkenca dhe maqinizmi.<\/p>\n\n\n\n

N\u00eb kuptimin e nd\u00ebrlidhjevet midis njer\u00ebzve, shkenca dhe maqinizmi pothuajse e \u00e7duk\u00ebn fare faktorin “larg\u00ebsi” dhe “koh\u00eb”, i prun\u00eb n\u00eb pjekje a marr\u00ebveshje t\u00eb vet\u00ebtimshme si popujt n\u00eb mest tyre ashtu edhe n\u00ebnshtetasit, ose grupet brenda shtetit; ndryshuan mjetet et e pun\u00ebs e t\u00eb prodhimit, t\u00eb cilat k\u00ebput\u00ebn lidhjet e vjetra midis njer\u00ebzve dhe ngjall\u00ebn nevoj\u00ebn p\u00ebr nj\u00eb ekilib\u00ebr t\u00eb ri; p\u00ebrgjith\u00ebsuan mjetet e m\u00ebsimit, t\u00eb propagand\u00ebs e t\u00eb p\u00ebrhapjes s’idevet dhe hodh\u00ebn masat e gj\u00ebra popullore n\u00eb luft\u00ebn politike; suall\u00eb nj\u00eb p\u00ebrzjerje t\u00eb p\u00ebrgjithsh\u00ebme si brenda popujvet ashtu edhe n\u00eb jet\u00ebn nd\u00ebrkomb\u00ebtare, dhe hap\u00ebn udh\u00ebn e transformimevet t\u00eb m\u00ebdha shoq\u00ebrore q\u00eb vazhdojn\u00eb t\u00eb zhvillohen me shpejt\u00ebsin\u00eb e motorrit. Prandaj t\u00eb mos ju duket p\u00ebr t\u00eb qeshur kur them se ai njeri q\u00eb mendon se pun\u00ebt e nj\u00eb shteti t’Evrop\u00ebs munt t\u00eb rregullohen edhe nes\u00ebr po me ato mjete dhe methoda q\u00eb u rregulluan tridhjet\u00eb vjet m\u00eb par\u00eb, nuk \u00ebsht\u00eb shum\u00eb larg nga i \u00e7menduri q\u00eb ngjesh nj\u00eb shpat\u00eb t\u00eb vjet\u00ebr dhe thot\u00eb “po nisem p\u00ebr n\u00eb luft\u00ebn e Kryq\u00ebzatavet”.<\/p>\n\n\n\n

N\u00eb popujt e Per\u00ebndimit, trash\u00ebgimtar\u00eb t\u00eb kulturavet klasike dhe t\u00eb punuar prej frym\u00ebs s\u00eb krisht\u00ebrimit, lufta midis pun\u00ebs dhe kapitalit, midis bujkut dhe pronarit, e nisur herjet, u-zhvillua e po zhvillohet ca nga ca, dhe ka sjell\u00eb nd\u00ebrrime t\u00eb m\u00ebdha n\u00eb shoq\u00ebri por pa i k\u00ebputur si me g\u00ebrsh\u00ebr\u00eb fijet e s\u00eb kaluar\u00ebs dhe pa i p\u00ebrmbysur t\u00eb gjitha vleftat q\u00eb lidhen me moralin e vjet\u00ebr.<\/p>\n\n\n\n

Ndryshe ndodhi n\u00eb Rusi pas 1917-\u00ebs. Atje lufta midis klasave q\u00eb punojn\u00eb dhe t’atyreve q\u00eb sundojn\u00eb, mori karakterin e popujve t\u00eb Lindjes. N\u00eb Lindje, gjer tani, nuk ka pasur tjet\u00ebr udh\u00eb lidhjesh a marr\u00ebdh\u00ebniesh midis njer\u00ebzve ve\u00e7 o sundonj\u00ebs o i sunduar, ja zot ja rob : kjo do t\u00eb thot\u00eb absolutizm\u00eb. Prandaj edhe komunist\u00ebt i ndajn\u00eb pun\u00ebt me dy fjal\u00eb : “o me ne dhe rro, o kund\u00ebr nesh dhe vdis”. K\u00ebshtu thoshte edhe Atila, Tamerlani dhe, m’i madhi i tyre, Gengis Khani.<\/p>\n\n\n\n

Por nga do q\u00eb t\u00eb shikojm\u00eb, n\u00eb dash\u00e7 n\u00eb Per\u00ebndim n\u00eb dash\u00e7 n\u00eb Lindje, nj\u00eb ide e madhe del e b\u00ebn hije mbi njer\u00ebzin\u00eb e sotme : ideja e prishjes s’ekilibrit shoq\u00ebror nd\u00ebrkomb\u00ebtar t\u00eb djesh\u00ebm, dhe nevoja e vendosjes s\u00eb nj\u00eb ekilibri t\u00eb ri. Kjo ide i jep fizionomin\u00eb e ve\u00e7ant\u00eb koh\u00ebs s’on\u00eb, mbush gjith\u00eb kultur\u00ebn e sotme dhe shtrihet e sundon n\u00eb t\u00eb gjitha drejtimet e vep\u00ebrimit t\u00eb njer\u00ebzis\u00eb.<\/p>\n\n\n\n

Ka pasur koh\u00eb n\u00eb histori q\u00eb karakterizohen nga nj\u00eb ndjenj\u00eb e zjarrt\u00eb fetare, ka pasur t\u00eb tjera ku sundonte mbi t\u00eb gjitha vleftat ndjenja e artit ose l\u00ebvizja e mendimit, por koha e jon\u00eb do t\u00eb quhet “koha e luftravet sociale”. Komunizmi ka l\u00ebshuar thimthat nd\u00ebr popujt e Lindjes dhe, duke u-\u00e7faqur diku n\u00eb nj\u00eb form\u00eb e diku n\u00eb nj\u00eb tjet\u00ebr, po i bren themelet e struktur\u00ebs s\u00eb vjet\u00ebr shoq\u00ebrore. Sa edhe Kina vigane, vat\u00ebr kulturash mijra vje\u00e7are, po sh\u00ebmbet si k\u00ebshtjell\u00eb kashte nd\u00ebn\u00eb forc\u00ebn e re. N\u00eb Per\u00ebndim po shihet qart\u00eb se politika e ndarjes s\u00eb bot\u00ebs n\u00eb zona influencash midis fuqish kund\u00ebrshtare, e mbylli koh\u00ebn e saj, dhe p\u00ebrpjekje t\u00eb m\u00ebdha po b\u00ebhen p\u00ebr t\u00eb gjetur nj\u00eb m\u00ebnyr\u00eb t\u00eb re bashk\u00ebpunimi n\u00eb planin nd\u00ebrkomb\u00ebtar.<\/p>\n\n\n\n

Pra kur mendojm\u00eb mbi djal\u00ebrin\u00eb shqiptare, s’duhet t’a marrim nj\u00eblloj me ata f\u00ebmij\u00ebt q\u00eb lozin cinglash, por \u00ebsht\u00eb e mira t’a shohim n\u00eb drit\u00ebn e mendimevet t\u00eb koh\u00ebs, dhe \u00e7apet e saj t’i lidhim me vallen e p\u00ebrgjith\u00ebshme t\u00eb njer\u00ebzis\u00eb. At\u00ebhere do t\u00eb kuptonim shum\u00eb gj\u00ebra, dhe do t\u00eb binim nga ret\u00eb e paragjykimevet t\u00eb vjetra n\u00eb nj\u00eb shesh pune t\u00eb ri.<\/p>\n\n\n\n

Djal\u00ebria mbas 1920-\u00ebs<\/strong><\/p>\n\n\n\n

Gjat\u00eb nj\u00ebzet vjet\u00ebve q\u00eb shtrihen midis dy luftravet Bot\u00ebrore, n\u00eb disa popuj t’Evrop\u00ebs s\u00eb Lindjes e t\u00eb Jug\u00eb-Lindjes q\u00eb, p\u00ebr arsye historike, s’e kishin p\u00ebsuar at\u00eb transformim t\u00eb ngadalt\u00eb q\u00eb u-b\u00eb n\u00eb Per\u00ebndim, jeta e br\u00ebnd\u00ebshme paraqiste forma t\u00eb kund\u00ebrta dhe t\u00eb pa-pajtuarsh\u00ebme. M\u00eb nj’an\u00eb, mbeturit\u00eb e vjetra feudale q\u00eb koha s’i kish \u00e7dukur akoma, duke lozur n’ekilib\u00ebr midis Fuqivet t\u00eb M\u00ebdha kund\u00ebrshtare, pat\u00ebn ngritur regjime fashiste dhe mujt\u00ebn t\u00eb mbahen m\u00eb k\u00ebmb\u00eb me pahir, ndon\u00ebse nuk kishin m\u00eb rr\u00ebnj\u00eb n\u00eb popull. M’an\u00ebn tjet\u00ebr, idet\u00eb e reja sociale, q\u00eb s’ka mur as kufi aq t\u00eb fort\u00eb sa t’i ndaloj\u00eb dhe q\u00eb mjetet e sotme e b\u00ebjn\u00eb shum\u00eb t\u00eb leht\u00eb p\u00ebrhapjen e tyre, e punonin si me lim\u00eb brezin e ri t\u00eb atyre popujve. K\u00ebshtu u-formua nd\u00ebr t\u00eb rinjt\u00eb nj\u00eb gj\u00ebndje mendore q\u00eb ish krejt n\u00eb kund\u00ebrshtim me mend\u00ebsin\u00eb mesjetare t\u00eb klikavet feodale n\u00eb fuqi.<\/p>\n\n\n\n

P\u00ebr n\u00eb Shqip\u00ebri s’munt t\u00eb flitet p\u00ebr “djal\u00ebri” ve\u00e7se pas 1920-\u00ebs ose 24-\u00ebs. M\u00eb p\u00ebrpara, populli shqiptar e kish b\u00ebr\u00eb luft\u00ebn e tij ashtu si kish mundur, ose m\u00eb mir\u00eb t\u00eb themi \u00e7do krahin\u00eb ish mprojtur ashtu si kish mundur, e mbajtur gjall\u00eb me pahir nga nj\u00eb vet\u00ebdije komb\u00ebtare gjysm\u00eb e shurdh\u00ebt.<\/p>\n\n\n\n

Djemt\u00eb q\u00eb ndiqnin shkollat, ishin p\u00ebrgjith\u00ebsisht bijt\u00eb e klas\u00ebs sundonj\u00ebse q\u00eb kish marr\u00eb kultur\u00ebn dhe zakonet turke dhe q\u00eb e qeveriste vendin si mundte p\u00ebr hesap t\u00eb saj dhe t\u00eb Perandoris\u00eb. Ata djem q\u00eb zgjuheshin n\u00eb ndjenj\u00ebn komb\u00ebtare, kishin shpirt t\u00eb fort\u00eb dhe enthusiazm\u00eb t\u00eb zjarrt\u00eb por ishin t\u00eb pak\u00ebt dhe s’e ndryshonin dot gjendjen e r\u00ebnd\u00eb si plumb. Se \u00e7’flak\u00eb i ndiste p\u00ebrmbrenda ata t\u00eb rinj, duket nga shkrimet e tyre, nga p\u00ebrpjekjet, nga shoq\u00ebrit\u00eb q\u00eb formuan jasht\u00eb atdheut, nga p\u00ebrhapja e libravet shqipe, nga \u00e7etat e para q\u00eb nxuar\u00ebn malevet. Por k\u00ebta zoq n\u00eb l\u00ebvizje, si ata t\u00eb shekullit t\u00eb n\u00ebnt\u00ebmb\u00ebdhjet\u00eb dhe ata t\u00eb fillimit t\u00eb k\u00ebtij shekulli, ishin t\u00eb rrall\u00eb dhe s’b\u00ebnin dot prenver\u00eb. Sa her\u00eb q\u00eb i kanoseshin atdheut rreziqe, ata p\u00ebrzjeheshin me popullin, i ngrinin moralin, luftonin tok me t\u00eb. Por pastaj, kur Shqip\u00ebria, qoft\u00eb p\u00ebr hir t\u00eb p\u00ebrpjekjevet t\u00eb saj, qoft\u00eb p\u00ebr shkak t\u00eb gjendjes nd\u00ebrkomb\u00ebtare, delte shtet m\u00eb vehte, flamurtar\u00ebt e kryengritjevet shqelmoheshin dhe mbetej prap\u00eb n\u00eb fuqi klasa sundonj\u00ebse e vjet\u00ebr, pse ajo njihej n\u00eb popull, pse ajo kish n\u00eb dor\u00eb pasurin\u00eb e vendit dhe dinte t\u00eb ndreqej me fqinj\u00ebt? Pik\u00ebrisht ata q\u00eb kishin dashur t’a mbyjn\u00eb l\u00ebvizjen komb\u00ebtare duke i sh\u00ebrbyer imperjalizmit t\u00eb huaj, delnin tani n\u00eb krye t\u00eb pun\u00ebvet si patriot\u00eb dhe, p\u00ebr t’iu v\u00ebn\u00eb kapak t\u00eb gjithave, b\u00ebnin ndonj\u00eb k\u00ebng\u00eb patriotike ose mbanin nj\u00eb fjalim bumbullit\u00ebs.<\/p>\n\n\n\n

Pas 1920-\u00ebs, kur shteti shqiptar mori form\u00eb, nis\u00ebn t\u00eb ngjallen aty-k\u00ebtu p\u00ebrp\u00eblitje t\u00eb rinjsh. N\u00eb rr\u00ebmujat e Luft\u00ebs s\u00eb Madhe dhe n’enthusiazmin q\u00eb u-p\u00ebrhap pas Luft\u00ebs me shkollat e para shqipe, u-m\u00ebk\u00ebmb nj\u00eb far\u00eb djal\u00ebrie e cila zu t’interesohej n’ideologjit\u00eb sociale q\u00eb trazonin at\u00ebhere Evrop\u00ebn. K\u00ebto p\u00ebrp\u00eblitje u-shtuan\u00eb dhe i dhan\u00eb trup m\u00eb von\u00eb Shoq\u00ebris\u00eb Bashkimit e cila, si\u00e7 e dim\u00eb, lozi nj\u00eb rrol kryesor n\u00eb L\u00ebvizjen e l924-\u00ebs.<\/p>\n\n\n\n

Po t\u00eb ndalemi pak\u00eb k\u00ebtu dhe t\u00eb hedhim nj\u00eb sy mbi mendimet q\u00eb punonin djal\u00ebrin\u00eb e asaj kohe, do t\u00eb rr\u00ebmbejm\u00eb menj\u00ebher\u00eb ndryshimin ideologjik n\u00eb mest t\u00eb brezit q\u00eb loftonte p\u00ebrpara se Shqip\u00ebria t\u00eb kish dal\u00eb si shtet i lir\u00eb dhe brezit t\u00eb pastajm\u00eb. Brezi i vjet\u00ebr, i mbushur me frym\u00ebn patriotike t\u00eb shekullit t\u00eb n\u00ebnt\u00ebmb\u00ebdhjet\u00eb, nuk njihte luft\u00eb tjet\u00ebr p\u00ebrve\u00e7 luft\u00ebs komb\u00ebtare. Atij i interesonin sidomos kufit\u00eb e Shqip\u00ebris\u00eb dhe pamvar\u00ebsi e saj. N\u00ebqoft\u00ebse k\u00ebto siguroheshin, ai e quante t\u00eb kryer pun\u00ebn e tij. Dhe s’munt t\u00eb mendonte ndryshe se n’at\u00eb shkoll\u00eb ish formuar dhe me at\u00eb lloj lufte ish m\u00ebsuar. Njer\u00ebzit q\u00eb e kan\u00eb kuptuar jet\u00ebn n\u00eb nj\u00eb drejtim a n\u00eb nj\u00eb tjet\u00ebr, \u00ebsht\u00eb v\u00ebshtir\u00eb t\u00eb nd\u00ebrrojn\u00eb udh\u00eb pastaj. Ata rrojn\u00eb n\u00eb kujtimet e vjetra, mbeten si t\u00eb ngrir\u00eb n\u00eb kultur\u00ebn e vjet\u00ebr dhe kan\u00eb urrejtje p\u00ebr format e jet\u00ebs q\u00eb zhvillohen m\u00eb pas.<\/p>\n\n\n\n

Por brezi i ri q\u00eb u-m\u00ebk\u00ebmb pas 1920-\u00ebs, m errte frym\u00eb n\u00eb nj\u00eb hap\u00ebsir\u00eb tjet\u00ebr, k\u00ebrkonte t\u00eb ngjitej mbi t\u00eb tjera maja, mbi majat e p\u00ebrparimit shoq\u00ebror. Dhe s’ka gj\u00eb m\u00eb t\u00eb natyrsh\u00ebme nga kjo : akti i par\u00eb i p\u00ebrpjekjes shqiptare ish mbyllur me fitimin e pavar\u00ebsis\u00eb, tani hapej akti i dyt\u00eb, ai i luft\u00ebs p\u00ebr zhvillim t\u00eb brend\u00ebsh\u00ebm, p\u00ebr nj\u00eb drejt\u00ebsi shoq\u00ebrore m\u00eb t\u00eb lart\u00eb. Kjo \u00ebsht\u00eb p\u00ebrpjekja, l\u00ebvizja e parreshtur e popujvet, q\u00eb s’mbaron kurr\u00eb, m\u00ebsa ndalet qarkullimi i jet\u00ebs.<\/p>\n\n\n\n

Shohim pra se k\u00ebtu kemi nj\u00eb big\u00ebzim mendimesh midis brezit t\u00eb vjet\u00ebr dhe atij t\u00eb riut. T\u00eb rinjve nuk iu mjaftojn\u00eb k\u00ebng\u00ebt e nj\u00eb patriotizmi abstrakt. Ato ishin me vent kur shp\u00ebrthenin nga goj\u00eb e Naimit ose e Vasho Pash\u00ebs. Por tani Shqip\u00ebria kish dal\u00eb zonj\u00eb me vehte, jeta e saj kalonte n\u00eb nj\u00eb tjet\u00ebr faz\u00eb, e pra hapeshin t\u00eb tjera horizonte, \u00e7faqeshin t\u00eb tjera q\u00ebllime. K\u00ebshtu, tek t\u00eb rinjt\u00eb, patriotizmi i vjet\u00ebr, pa humbur asgj\u00eb nga zjarri i tij i dikursh\u00ebm, vishej me t\u00eb tjera ngjyra q\u00eb e b\u00ebnin m\u00eb t\u00eb dukur, m\u00eb t\u00eb plot\u00eb : me idealet e mbar\u00ebvajtjes shoq\u00ebrore. Ish edhe koha at\u00ebhere, pas Luft\u00ebs s\u00eb Madhe, q\u00eb iu dha idevet sociale nj\u00eb l\u00ebkundje t\u00eb re. Revolucioni Rus, l\u00ebvizje pun\u00ebtorish n\u00ebp\u00ebr Evrop\u00eb, L\u00ebvizja Qemaliste n\u00eb Turqi, shpresa t\u00eb ngjallura prej luft\u00ebs e fjal\u00eb t\u00eb m\u00ebdha lirie e drejt\u00ebsie q\u00eb ushtonin nga t\u00eb kat\u00ebr an\u00ebt, s’munt t’a linin t\u00eb paprekur djal\u00ebrin\u00eb shqiptare e t\u00eb mos e futnin edhe at\u00eb n\u00eb koncertin e p\u00ebrgjithsh\u00ebm. Por, me th\u00ebn\u00eb t\u00eb v\u00ebrtet\u00ebn, t\u00eb rinjt\u00eb t’on\u00eb t’asaj kohe nuk e kishin t\u00eb qart\u00eb se \u00e7’k\u00ebrkonin dhe \u00e7’donin t\u00eb b\u00ebnin. Ata dridheshin n’enthusiazm\u00eb p\u00ebr ndryshim dhe reforma, por nuk kishin as ideologji sociale t\u00eb caktuar mir\u00eb as pregatitjen politike t\u00eb duhur p\u00ebr t’a v\u00ebn\u00eb n\u00eb zbatim. Revolucionin Rus s’e kuptonin dot si\u00e7 duhet. E si do t\u00eb munt t’a kuptonin ata t\u00eb gjor\u00eb kur s’e pat\u00ebn kuptuar shum\u00eb nga diplomat\u00ebt e Per\u00ebndimit (disa prej tyre s’e kuptojn\u00eb as sot), me gjith\u00eb jakat e ngrira dhe syzat e ndritura ?<\/p>\n\n\n\n

Avni Rustemi, Llazar Fundua e t\u00eb tjer\u00eb djem t’asaj kohe flisnin p\u00ebr drejt\u00ebsi shoq\u00ebrore, p\u00ebr reform\u00ebn agrare, p\u00ebr arsim dhe zhvillim t\u00eb popullit. Shoq\u00ebria e Bashkimit filloi t\u00eb b\u00ebj\u00eb mjaft zhurm\u00eb n\u00ebp\u00ebr qytete, vuri n\u00eb l\u00ebvizje pjes\u00ebn m\u00eb t\u00eb madhe t\u00eb nx\u00ebn\u00ebsvet t\u00eb shkollavet, desh t\u00eb shtrinj\u00eb rr\u00ebnj\u00eb n\u00eb popull. Por k\u00ebtu ndeshi n\u00eb tok\u00eb t\u00eb ngurt\u00eb, pse populli shqiptar s’ish zgjuar akoma sa\u00e7 duhej nga lethargjia e rob\u00ebris\u00eb, s’delte dot aq leht\u00eb nga zakonet e s\u00eb kaluar\u00ebs, jepej akoma pas politik\u00ebs s\u00eb krahinavet e t\u00eb bajraqevet, tamam ashtu si\u00e7 donte klasa sundonj\u00ebse e vjet\u00ebr. P\u00ebr djal\u00ebri fshatrash s’b\u00ebhej fjal\u00eb fare, por edhe n\u00ebp\u00ebr qytetet t\u00eb rinjt\u00eb e shkollavet ishin t\u00eb pak\u00ebt, nj\u00eb pjes\u00eb e tyre s’dinte \u00e7’dometh\u00ebn\u00eb “interes shoq\u00ebror” dhe jetonte akoma n\u00eb burgun e ngusht\u00eb t\u00eb mendimevet t\u00eb lagjes.<\/p>\n\n\n\n

Q\u00eb mendimi i nj\u00eb brezi t\u00eb ri t\u00eb ndihet n\u00eb t\u00eb gjith\u00eb kombin, nuk mjafton t\u00eb k\u00ebndojn\u00eb vet\u00ebm disa bilbil\u00eb aty-k\u00ebtu, por duhet pa tjet\u00ebr t’i p\u00ebrgjigjen asaj k\u00ebnge masa t\u00eb gjera djelmoshash prej q\u00ebndravet m\u00eb t\u00eb m\u00ebdha n\u00eb q\u00ebndrat m\u00eb t\u00eb vogla, duhet q\u00eb ideja e re t\u00eb rr\u00ebmbej\u00eb sidomos djal\u00ebrin\u00eb e pun\u00ebtoris\u00eb e t\u00eb fshatravet. Nj\u00eb mrekulli e till\u00eb s’munt t\u00eb ndodhte m\u00eb 1924. P\u00ebrp\u00eblitjet e Shoq\u00ebris\u00eb s\u00eb Bashkimit s’kap\u00ebrxyen dot p\u00ebrtej oborrit t\u00eb shkoll\u00ebs ose tregut t\u00eb qytetit. N\u00eb ngjarjet q\u00eb u-zhvilluan n’at\u00eb koh\u00eb, enthusiazmi dhe zhurma e t\u00eb rinjvet u-\u00e7fryt\u00ebzuan djall\u00ebzisht nga disa klika t\u00eb vjetra q\u00eb paraqiteshin me fjal\u00eb t\u00eb m\u00ebdha reformash e mir\u00ebsimesh. N\u00eb t\u00eb v\u00ebrtet\u00ebn, k\u00ebto klika haheshin midis tyre p\u00ebr (pun\u00eb prestigji e kulltuku) dhe s’ndryshonin prej nj\u00ebra tjetr\u00ebs n\u00eb asgj\u00eb, disa flakeshin jasht\u00eb, t\u00eb tjera vinin n\u00eb fuqi, por gjendja e vendit mbetej nj\u00eblloj si zjer\u00eb pjekur?.<\/p>\n\n\n\n

Por Shoq\u00ebria e Bashkimit la nj\u00eb jehon\u00eb q\u00eb ting\u00eblloi gjer von\u00eb n\u00eb djal\u00ebrin\u00eb shqiptare. Ajo iu hapi shtegun ideve t\u00eb reja dhe i tregoi djal\u00ebris\u00eb s\u00eb detyra e saj \u00ebsht\u00eb t\u00eb l\u00ebviz\u00eb, t\u00eb luftoj\u00eb padrejt\u00ebsit\u00eb e vjetra e t’i k\u00ebrkoj\u00eb jet\u00ebs t\u00eb tjera shanse.<\/p>\n\n\n\n

N\u00eb pes\u00ebdhjet\u00eb-vjetshin q\u00eb shtrihej pastaj gjer m\u00eb 1939, \u00e7do l\u00ebvizje rinie shuhej me kamzhik. Regjimi natyrisht kish urrejtje p\u00ebr mendimet e reja dhe, i p\u00ebshtetur mbi feodalizm\u00ebn e vjet\u00ebr e mbi ca kapedan\u00eb aventurier\u00eb t\u00eb nxjerr\u00eb nga hi\u00e7i, r\u00ebndonte si nj\u00eb pullas burgu, mbi jet\u00ebn e kombit. Shqip\u00ebria ishte \u00e7iflik i disave q\u00eb kishin futur thonjt\u00eb kudo, n\u00eb financat e shtetit, n\u00eb sip\u00ebrmarrjet, n\u00eb treg\u00ebtin\u00eb, n\u00eb drit\u00ebn, n\u00eb buk\u00ebn, n\u00eb krip\u00ebn?, shp\u00ebrdorimi i fuqis s\u00eb shtetit p\u00ebr t\u00eb k\u00ebnaqur epshe e d\u00ebshira, i \u00e7onte neverin\u00eb edhe atij m\u00eb gjak-butit. Vjedhjet ishin prall\u00ebzore. Ndryshimi i jetes\u00ebs midis njer\u00ebzvet t\u00eb regjimit dhe popullit ish revoltonj\u00ebs. Nd\u00ebrsa ata b\u00ebnin jet\u00eb vilash dhe m\u00ebndafshesh, bujku s’kish kasht\u00eb e rrogos p\u00ebr t’u mbrojtur nga balta. N\u00ebrsa ata iu siguronin f\u00ebmij\u00ebvet t\u00eb tyre jetes\u00ebn e nj\u00ebqint vjet\u00ebvet, f\u00ebmij\u00ebt e pun\u00ebtorit s’kishin as buk\u00ebn e dit\u00ebs.<\/p>\n\n\n\n

Me fjal\u00eb, Shqip\u00ebrija quhej shtet i pavarur por, n\u00eb t\u00eb v\u00ebrtet\u00ebn, ekonomia e saj kish shkuar n\u00eb dor\u00eb t\u00eb tjet\u00ebrkuj, regjimi mbahej me th\u00ebrrimet q\u00eb i hidhnin nga Italia dhe, dit\u00ebn q\u00eb t’i priteshin ato th\u00ebrrime, pushonte s\u00eb ardhuri rreth, si nj\u00eb mulli q\u00eb i pritet uj\u00ebt. Megjithat\u00eb, duhej th\u00ebn\u00eb se Shqip\u00ebria “po p\u00ebrparon”, q\u00eb “kombi po lul\u00ebzon”, etj.. N\u00eb t\u00eb kremtet komb\u00ebtare, patriot\u00ebt e vjet\u00ebr, ringjall\u00ebsit e ides\u00eb Shqiptare, ishin harruar krejt dhe, n\u00eb vent t\u00eb tyre, duartrokiteshin markat e regjimit, ata q\u00eb, pak vjet m\u00eb par\u00eb, e kishin luftuar haptazi Shqip\u00ebrin\u00eb si agjent\u00eb t\u00eb imperializmit t\u00eb huaj.<\/p>\n\n\n\n

Gjendja politike q\u00eb u-krijua pastaj nuk i la shtek djal\u00ebris\u00eb p\u00ebr nj\u00eb zhvillim t\u00eb lir\u00eb e t\u00eb pajtuarsh\u00ebm me koh\u00ebt.<\/p>\n\n\n\n

Nj\u00eb e till\u00eb gjendje pra, rrinte n\u00eb kund\u00ebrshtim si nata me dit\u00ebn me idet\u00eb e reja q\u00eb i vinin djal\u00ebris\u00eb nga librat e shkoll\u00ebs, nga historia e popujvet t\u00eb tjer\u00eb, nga l\u00ebvizjet e jashtme, nga thirrjet p\u00ebr liri q\u00eb ushtonin n\u00ebp\u00ebr bot\u00eb, nga romancat, nga radjot, nga kinemaja. P\u00ebr t\u00eb gjetur nj\u00eb vent mprojtjeje nga pamjet e sh\u00ebmtuara q\u00eb i a vrisnin ndjenj\u00ebn or\u00eb e \u00e7ast, nga fyerjet q\u00eb i b\u00ebheshin pa pushim, djal\u00ebria ish \u00e7k\u00ebputur shpirt\u00ebrisht prej regjimit n\u00eb fuqi dhe jetonte n\u00eb nj\u00eb k\u00ebnd mendimesh t\u00eb sajat. Por romancat q\u00eb k\u00ebndohen fshehtazi t\u00eb thithin m\u00eb fort dhe t\u00eb b\u00ebjn\u00eb me fanatik. Idet\u00eb q\u00eb kapen vjedhurazi, merren shtr\u00ebmb\u00ebt. Shpirti q\u00eb formohet burgjeve e qilareve, ka nj\u00eb sasi helmi m\u00eb t\u00eb madhe nga ai q\u00eb zhvillohet n’aj\u00ebr t\u00eb lir\u00eb.<\/p>\n\n\n\n

N\u00eb Shqip\u00ebri nuk pat nj\u00eb kultur\u00eb komb\u00ebtare t\u00eb lart\u00eb p\u00ebr t’iu mbyllur udh\u00ebn influencavet mendore t\u00eb huaja. N\u00eb Shqip\u00ebri nuk pat nj\u00eb parti t\u00eb sh\u00ebndosh\u00eb q\u00eb t\u00eb b\u00ebnte politik\u00ebn e koh\u00ebs ku t\u00eb munt t\u00eb rreshtohej djal\u00ebria. N\u00eb Shqip\u00ebri nuk pat rrahje t\u00eb lir\u00eb mendimesh, ku t\u00eb mund t\u00eb fitonte nj\u00eb ide politike t\u00eb sakt\u00eb djal\u00ebria. Djal\u00ebria shqiptare u-formua ashtu si mundi, duke par\u00eb andej-k\u00ebtej, duke mbajtur vesh djathtas e majtas. Prandaj t\u00eb mos \u00e7uditet njeri tani se pse djal\u00ebria jon\u00eb u-gjent n’at\u00eb anarqi mendimesh.<\/p>\n\n\n\n

Edhe nj\u00eb shpres\u00eb t\u00eb vog\u00ebl q\u00eb kish mbajtur djal\u00ebria tek t’arratisurit politik\u00eb t\u00eb 1924-\u00ebs, e humbi me ngjarjen e 7 prillit, kur k\u00ebta heronj t\u00eb drunjt\u00eb na erdh\u00eb me hordhit\u00eb e huaja dyke thirrur si Arqimedi se e gjet\u00ebn shp\u00ebtimin e atdheut n\u00eb “suaz\u00ebn e Perandoris\u00eb !”. Pastaj u-pajtuan si pa gj\u00eb t\u00eb keqe me njer\u00ebzit e “regjimit kund\u00ebrshtar”, q\u00eb i gjet\u00ebn t\u00eb pa luajtur nga kulltuqet si Senator\u00ebt e Rom\u00ebs s\u00eb Vjet\u00ebr kur hyn\u00eb Gal\u00ebt. K\u00ebta burra t\u00eb fort\u00eb, me ideale t\u00eb m\u00ebdha, q\u00eb s’u pajtuan dot kurr\u00eb nd\u00ebn\u00eb shkab\u00ebn shqiptare, u-p\u00ebrqafuan m\u00eb n\u00eb funt nd\u00ebn\u00eb shenjat e Liktorit. Dhe nd\u00ebrsa djal\u00ebria p\u00ebrjashta, dhe populli bashk\u00eb me t\u00eb, zjente e bu\u00e7iste e k\u00ebrkonte arm\u00eb p\u00ebr t\u00eb mprojtur atdhen\u00eb e trath\u00ebtuar, k\u00ebta ngriheshin si gjela n\u00ebp\u00ebr sallonet e ministrivet e i f\u00ebkonin krah\u00ebt njeri-tjetrit, t\u00eb g\u00ebzuar sikur kishin pashk\u00eb a bajram. Ky qe \u00e7asti vendimtar q\u00eb e ndau si me shpat\u00eb pik\u00ebpamjen e t\u00eb rinjvet nga l\u00ebmshi i politik\u00ebs mercenare t\u00eb t\u00eb vjet\u00ebrvet. Dhe p\u00ebr t\u00eb par\u00ebn her\u00eb djal\u00ebria shqiptare, n\u00eb k\u00ebt\u00eb ndeshje n\u00eb fush\u00ebn e prov\u00ebs me klikat e vjetra, dha nj\u00eb reaksion p\u00ebrqeth\u00ebs si hekuri i nxeht\u00eb kur futet n’akull.<\/p>\n\n\n\n

Pas shp\u00ebrndarjes s\u00eb Shoq\u00ebris s\u00eb Bashkimit (n\u00eb dhjetor t\u00eb 1924-\u00ebs), nuk pat ndonj\u00eb tjet\u00ebr organizat\u00eb djal\u00ebrie me karakter politik, p\u00ebrve\u00e7 shoq\u00ebrish sportive aty-k\u00ebtu, ndonj\u00eb shoq\u00ebrie artistike n\u00eb Shkod\u00ebr dhe shoq\u00ebria Puna n\u00eb Kor\u00e7\u00eb. Kjo e fundit p\u00ebrmblidhte sidomos djal\u00ebrin\u00eb e pun\u00ebtoris\u00eb s\u00eb qytetit dhe fshihte q\u00ebllime politike me ngjyr\u00eb komuniste. Megjithk\u00ebt\u00eb, e shtypur dhe e mosp\u00ebrfillur, ashtu si\u00e7 ish, djal\u00ebria shqiptare punohej vashdimisht prej mendimesh t\u00eb reja dhe dukej q\u00eb ish nj\u00eb energji e mbyllur e cila, kur t\u00eb shp\u00ebrthente m\u00eb von\u00eb, do t\u00eb b\u00ebnte mjaft gj\u00ebra t\u00eb p\u00eblqyera ose t\u00eb pap\u00eblqyera.<\/p>\n\n\n\n

Djal\u00ebria dhe komunizmi<\/strong><\/p>\n\n\n\n

Kur u-muar vesh komploti i Vlor\u00ebs m\u00eb 1932, djal\u00ebria pat nj\u00eb p\u00ebrqethje enthusiazmi. N\u00eb L\u00ebvizjen e Fierit m\u00eb 1935, muar\u00ebn pjes\u00eb shum\u00eb t\u00eb rinj, disa prej t\u00eb cil\u00ebvet ishin me idera komuniste dhe disa jo. Por \u00e7asti q\u00eb i shtiri drithmat e vep\u00ebrimit djal\u00ebris\u00eb shqiptare dhe ku ajo u-vrumullis e t\u00ebr\u00eb si nj\u00eb trup i vet\u00ebm, qe 7 Prilli i 1939-\u00ebs. Rrall\u00eb her\u00eb ka q\u00eblluar t\u00eb jet\u00eb me popullin t’on\u00eb ndjenja patriotike aq\u00eb e nxeht\u00eb dhe e p\u00ebrgjith\u00ebshme sa n’ato dit\u00eb. Dhe, nd\u00ebrsa klikat e vjetra mundoheshin t’i mbushnin mendjen popullit se e mira e tij ish t\u00eb mvarej si mish gjahu n\u00eb grepat e Perandoris\u00eb, djal\u00ebria i \u00e7palli luft\u00eb t\u00eb hap\u00ebt asaj gjendjeje dhe u-mundua t\u00eb futet n\u00eb trupin e kombit si nj\u00eb nervature e re, p\u00ebr t’i dh\u00ebn\u00eb tjet\u00ebr drejtim e tjet\u00ebr forc\u00eb. Ndjekjet filluan shpejt, burgjet u-mbush\u00ebn me t\u00eb rinj, nj\u00eb pjes\u00eb e tyre \u00e7ohej n’ishujt e Italis\u00eb.<\/p>\n\n\n\n

N\u00eb fillim, fort pak\u00eb nga k\u00ebta t\u00eb rinj ishin komunist\u00eb. E shumta e tyre ishin demokrat\u00eb, t\u00eb mbushur me ide t\u00eb reja drejt\u00ebsie e p\u00ebrparimi, t\u00eb d\u00ebsh\u00ebruar p\u00ebr liri dhe mbar\u00ebsi komb\u00ebtare; ata kishin urrejtje p\u00ebr t\u00eb kaluar\u00ebn, kishin urrejtje m\u00eb t\u00eb madhe akoma p\u00ebr rob\u00ebrin\u00eb ku jetonin, dhe b\u00ebnin luft\u00eb p\u00ebr t\u00eb \u00e7liruar vendin nga t\u00eb huajt\u00eb e p\u00ebr t’i sjell\u00eb Shqip\u00ebris\u00eb nj\u00eb t’arthme me t\u00eb bukur\u00eb, m\u00eb t\u00eb lumtur. Dashurija p\u00ebr vleftat komb\u00ebtare ka q\u00ebn\u00eb gjithmon\u00eb e gjall\u00eb n\u00eb zemr\u00ebn e k\u00ebtyre t\u00eb rinjve. Populli i yn\u00eb ka p\u00ebrgjith\u00ebsisht natyr\u00ebn dhe karakteret e popujvet t\u00eb Per\u00ebndimit. Nuk \u00ebsht oriental me shpirt. Ai prej koh\u00ebvet m\u00eb t\u00eb lashta e gjer n\u00eb mbarim t\u00eb Koh\u00ebs s\u00eb Mesme, pat q\u00ebn\u00eb pothuajse vashdimisht n\u00eb frym\u00eb t\u00eb kulturavet t\u00eb m\u00ebdha greke e latine q\u00eb i kan\u00eb dh\u00ebn\u00eb mend\u00ebsis\u00eb dhe kultur\u00ebs popullore t\u00eb tij vija t\u00eb ngjashme me ato t\u00eb popujvet t\u00eb Per\u00ebndimit. Sundimi turk ktheu n\u00eb kultur\u00ebn orientale vet\u00ebm klas\u00ebn feodale t\u00eb vendit, por popullit mbar\u00eb s’mundi t’i a ndryshoj\u00eb natyr\u00ebn. Kujtimi i af\u00ebrt i rob\u00ebris\u00eb s\u00eb zez\u00eb dhe liria komb\u00ebtare e fituar me aq\u00eb mundime, s’munt t’a kishin l\u00ebn\u00eb t\u00eb paprekur zemr\u00ebn e djal\u00ebris\u00eb e t\u00eb mos ia kishin forcuar ndjenj\u00ebn e dashuris\u00eb p\u00ebr atdhe. Prandaj, edhe kur nj\u00eb pjes\u00eb e saj anoj m\u00eb von\u00eb nga komunizmi, s’munt t\u00eb themi se ish e xhveshur nga ndjenjat komb\u00ebtare dhe se e kuptonte marksizmin si nj\u00eb nd\u00ebrkomb\u00ebtare t\u00eb pangjyr\u00eb e tiranike. Shum\u00eb prej tyre ran\u00eb si zoqt\u00eb n\u00eb leqe, n\u00eb propagand\u00ebn e komunist\u00ebvet t\u00eb vetdijsh\u00ebm, q\u00eb iu a paraqitnin fen\u00eb e re si nj\u00eb demokraci t\u00eb mbaruar q\u00eb \u00e7duk si me magji padrejt\u00ebsit\u00eb shoq\u00ebrore dhe e b\u00ebn jet\u00ebn t\u00eb lir\u00eb e t\u00eb k\u00ebndsh\u00ebme p\u00ebr t\u00eb gjith\u00eb. Nj\u00eb pjes\u00eb duke mos patur pregatitje politike t\u00eb mjaft\u00eb, kujtonin se s’prishej pun\u00eb pse ata luftonin tok me komunist\u00ebt nj\u00eb her\u00eb, gjer sa t\u00eb \u00e7lirohej atdheu nga t\u00eb huajt\u00eb, pastaj \u00e7\u00ebshtjet e br\u00ebnd\u00ebshme i zgjithte populli vet\u00eb me an\u00ebn e vot\u00ebs. Disa, t\u00eb xveretitur nga ngjarjet e 7 Prillit, e kishin humbur besimin tek t\u00eb gjith\u00eb t\u00eb vjetrit pa p\u00ebrjashtim dhe s’donin t\u00eb d\u00ebgjonin m\u00eb as p\u00ebr k\u00ebshillat e urta q\u00eb iu vinin nga patriot\u00ebt e Ballit Komb\u00ebtar. Pastaj \u00ebsht\u00eb kot t\u00eb zgjatemi n’arsyetime t\u00eb k\u00ebtilla, komunizmi ish gj\u00ebja e re e rrethuar me kurreshtje e mister, ish pem\u00eb e ndaluar q\u00eb t\u00eb t\u00ebrheq m\u00eb fort nga t\u00eb lejuarat, ish kuti e mbyllur me gj\u00ebra t\u00eb \u00e7uditsh\u00ebme br\u00ebnda, ish k\u00ebng\u00eb e dit\u00ebs, romanc\u00eb e gjall\u00eb q\u00eb t\u00eb hap udh\u00ebn e aventuravet, \u00e7’duhet m\u00eb tep\u00ebr p\u00ebr t\u00eb marr\u00eb mendjen e t\u00eb rinjvet ? T\u00eb rinjt\u00eb t\u00ebrhiqen m\u00eb fort nga njeri-tjetri se sa nga k\u00ebshillat e m\u00eb t\u00eb vjet\u00ebrvet. Sidomos kur \u00ebsht\u00eb puna p\u00ebr t\u00eb ecur n’udh\u00eb t\u00eb reja, jan\u00eb t\u00eb pap\u00ebrmbajtur dhe e kan\u00eb p\u00ebr turp t\u00eb mbeten prapa shok\u00ebvet.<\/p>\n\n\n\n

Tham\u00eb se n\u00eb fillim kish fort pak\u00eb komunist\u00eb t\u00eb vet\u00ebdijsh\u00ebm n\u00eb Shqip\u00ebri. K\u00ebta, m\u00eb par\u00eb b\u00ebnin tre grupe t\u00eb ndara, grupin e Tiran\u00ebs, t\u00eb Kor\u00e7\u00ebs e t\u00eb Shkodr\u00ebs. N\u00eb dit\u00ebt e Prillit t\u00eb 39-\u00ebs, muarr\u00eb pjes\u00eb si t\u00eb tjer\u00ebt n\u00eb l\u00ebvizjen e madhe komb\u00ebtare kund\u00ebr shkel\u00ebsit t\u00eb huaj. Por m\u00eb von\u00eb, kur u-duk nj\u00eb \u00e7ast se Rusia do t\u00eb mbetej jasht\u00eb grindjes evropiane, ata zun\u00eb t\u00eb flasin me simpathi p\u00ebr “popullin gjerman” dhe t\u00eb shprehen keq p\u00ebr “plutokracit\u00eb” e Per\u00ebndimit. Nuk desh\u00ebn t\u00eb marrin pjes\u00eb n\u00eb nj\u00eb kryengritje t\u00eb mund\u00ebshme shqiptare kund\u00ebr usht\u00ebris\u00eb fashiste, q\u00eb iu qe folur nga an\u00eb e patriot\u00ebvet demokrat\u00eb n\u00eb koh\u00ebn e Luft\u00ebs Italo-Greke. Vetem pas hyries s\u00eb Rusis\u00eb n\u00eb luft\u00eb, kujtuan se ting\u00eblloi ora e revolucionit komunist. T\u00eb tre grupet e p\u00ebrmendur m\u00eb sip\u00ebr u-bashkuan, pas k\u00ebshillavet t\u00eb dy t\u00eb d\u00ebrguarve jugosllav\u00eb, dhe formuan Partin\u00eb Komuniste Shqiptare, n\u00eb N\u00ebntor t\u00eb 1941-s\u00eb. Nj\u00eb vit m\u00eb von\u00eb, loz\u00ebn me mjesht\u00ebri kamedin\u00eb e “Frontit Nacional-\u00c7lirimtar”, e cila, pas nj\u00eb vjeti tjet\u00ebr, u-nd\u00ebrrua n\u00eb tragjedin\u00eb e luft\u00ebs v\u00eblla-vras\u00ebse.<\/p>\n\n\n\n

Djal\u00ebria dhe Nacionalizmi<\/strong><\/p>\n\n\n\n

Po t\u00eb l\u00ebm\u00eb m\u00ebnjan\u00eb partin\u00eb komuniste, e vetmja organizat\u00eb q\u00eb iu paraqit gjat\u00eb luft\u00ebs popullit dhe djal\u00ebris\u00eb shqiptare me nj\u00eb program p\u00ebrparimtar t\u00eb koh\u00ebs, qe Balli Komb\u00ebtar. Dekallogu i tij p\u00ebrcaktonte si\u00e7 duhet \u00e7apin historik q\u00eb duhet t\u00eb hedh\u00eb kombi shqiptar n\u00eb dit\u00ebt t’ona. Por, qoft\u00eb pse komunizmi, si\u00e7 treguam m\u00eb lart, paraqitej me t\u00eb gjitha t\u00ebrheqjet e nj\u00eb fes\u00eb s\u00eb re, qoft\u00eb pse Ballit Komb\u00ebtar i mungoi ajo teknik\u00eb organizimi dhe disipline q\u00eb iu jep partive komuniste struktur\u00eb t\u00eb fort\u00eb, qoft\u00eb n\u00eb lidhje me ngjarjet politike t\u00eb jashtme, l\u00ebvizja komuniste mundi t\u00eb rr\u00ebmbej\u00eb nj\u00eb pjes\u00eb t\u00eb djal\u00ebris\u00eb. K\u00ebshtu e pruri puna q\u00eb, djal\u00ebria shqiptare, e cila ish treguar si nj\u00eb trup i vet\u00ebm n\u00eb dit\u00ebt e Prillit t\u00eb 39-\u00ebs, t\u00eb \u00e7ahej tani m\u00eb dysh dhe t\u00eb thyente kok\u00ebn n\u00eb mest t\u00eb saj si dy val\u00eb t\u00eb kund\u00ebrta.<\/p>\n\n\n\n

Lufta q\u00eb u-nis kund\u00ebr t\u00eb huajit dhe q\u00eb u-zhvillua me aq\u00eb lavdi, u-kthye n\u00eb Vjesht\u00ebn e 1943-s\u00eb n\u00eb lufte civile. Dhe qe e rrept\u00eb, e p\u00ebrgjakt\u00eb, fytafyt. Komunist\u00ebt, q\u00eb s’njohin bes\u00eb a virtut, goditnin qen\u00ebrisht, me nj’eg\u00ebrsi t\u00eb pashembullt. Por edhe djelmoshat q\u00eb mpronin tradit\u00ebn e shqipes, nuk ishin t\u00eb dob\u00ebt. T\u00eb patundur si shk\u00ebmp, binin ball\u00eb-hap\u00ebt nd\u00ebn\u00eb thik\u00ebn e tmerrit si ata kallinjt\u00eb e but\u00eb q\u00eb i pret kosa..<\/p>\n\n\n\n

Esht\u00eb p\u00ebr t’u-v\u00ebn\u00eb re mir\u00eb se, t\u00eb gjith\u00eb luft\u00ebn k\u00ebt\u00eb rradh\u00eb, qoft\u00eb at\u00eb kund\u00ebr t\u00eb huajit p\u00ebr t\u00eb \u00e7liruar vendin, qoft\u00eb at\u00eb t\u00eb brend\u00ebshmen p\u00ebr t\u00eb vendosur mbi fatet e popullit, e b\u00ebn\u00eb t\u00eb rinjt\u00eb dhe njer\u00ebzit e idevet. Prandaj qe edhe aq\u00eb e hov\u00ebshme, e tmerr\u00ebshme. K\u00ebt\u00eb rradh\u00eb s’pat tjet\u00ebr shpirt ushtarak n\u00eb Shqip\u00ebri p\u00ebrve\u00e7 atij q\u00eb frym\u00ebzohej nga nj\u00eb ide komb\u00ebtare ose sociale. Bandat bashibozuke q\u00eb kishin sh\u00ebrbyer si shkop p\u00ebr t\u00eb marr\u00eb fuqin\u00eb n\u00eb duart e njerit a t\u00eb tjetrit, kur populli shqiptar s’e kish mbledhur vehten akoma nga rob\u00ebri e shekujvet, k\u00ebt\u00eb radh\u00eb u-treguan kashturina q\u00eb shp\u00ebrndahen me frym\u00eb, si flet\u00ebt e vjesht\u00ebs. Gjak rrodhi atje ku kish mbir\u00eb ide. Dhe rrodhi shum\u00eb. U-korr lulja e kombit. Nuk mjaftuan ata q\u00eb ran\u00eb n\u00eb fush\u00ebn e nderit kur Hysni Lepenica \u00e7ante malet si Shqiponj\u00eb, dhe Safet Butka predikonte fjal\u00ebn e liris\u00eb duke iu treguar djemvet se si atdheu q\u00ebndron mbi t\u00eb gjitha vleftat e tjera. Nuk mjaftuan ata q\u00eb mbet\u00ebn ball\u00eb p\u00ebr ball\u00eb n\u00eb luft\u00ebn v\u00ebllavras\u00ebse. Nuk mjaftuan Besnik \u00c7anot e Qeramudin Sulot, Tare Kalot e Hadi Kasimat\u00ebt, Hytbi Kullrat e Zija Gash\u00ebt q\u00eb i k\u00ebputi pabesisht dor\u00eb e v\u00ebllait, por pjes\u00ebn m\u00eb t\u00eb madhe e korri dhe po e korr dita-dit\u00ebs “gjyqi i popullit”, gjyqi cinik i tmerrit dhe i turpit. Nj\u00eb pjes\u00eb po kalben burgjevet, t\u00eb tjer\u00eb po vriten akoma malevet.<\/p>\n\n\n\n

Esht\u00eb p\u00ebr t’u dridhur e p\u00ebr t\u00eb qar\u00eb nga mall\u00ebngjimi kur kujtojm\u00eb se \u00e7’zem\u00ebr tregojn\u00eb k\u00ebta t\u00eb rinj p\u00ebrpara “gjyqit”, p\u00ebrpara vdekjes. Sikur nervat e tyre jan\u00eb rrahur e kthyer n\u00eb tela trim\u00ebrie. Shpirti i kombit ton\u00eb rrall\u00eb her\u00eb \u00ebsht\u00eb treguar kaq\u00eb i fort\u00eb sa n\u00eb k\u00ebt\u00eb bres. Doni t\u00eb dini se qysh sillen bijt\u00eb e shqipes p\u00ebrpara vdekjes ? D\u00ebgjoni gjyqin e Resul Tozharit e t\u00eb Namik Mehqemes\u00eb, d\u00ebnuar n\u00eb Berat n\u00eb vjesht\u00ebn e 45-\u00ebs, dhe do t\u00eb kini pasqyr\u00ebn e shpirtit djaloshar t\u00eb sotm\u00eb.<\/p>\n\n\n\n

Hyn Resuli, i lidhur me hekura, n\u00eb sall\u00ebn e gjyqit.<\/p>\n\n\n\n

Pse e luftove L\u00ebvizjen t’on\u00eb or shok ? — e pyet djalli-gykat\u00ebs.
-Ju luftova dhe ju luftonj, tha Resuli, pse populli pritte lirin\u00eb prej bijvet t\u00eb tij e ju i prut\u00eb nj\u00eb tjet\u00ebr form\u00eb rob\u00ebrie. Pse populli pritte t\u00eb delte me rroba dasme p\u00ebr t\u00eb kremtuar mbarimin e luft\u00ebs, dhe ju e vesht\u00eb me rroba zije. Pse populli pritte t’i jepnit buk\u00eb, e ju i muart\u00eb edhe at\u00eb q\u00eb kish. Ju q\u00eb s’lat\u00eb sht\u00ebpi pa zi, q\u00eb s’lat\u00eb zem\u00ebr pa breng\u00eb. Ju q\u00eb p\u00ebr\u00e7muat idealin komb\u00ebtar, ju q\u00eb trath\u00ebtuat Kosov\u00ebn shqiptare. Un\u00eb e di se \u00e7’m\u00eb pret, por po flas fort t\u00eb m\u00eb d\u00ebgjoj\u00eb djal\u00ebria ; pse fryma ime do t\u00eb jetoj\u00eb tek ata, do t’ju luftoj\u00eb me ata. Pse m\u00eb shikoni k\u00ebshtu ? Une s’kam frike nga thikat tuaja. Ju, duhet t\u00eb tr\u00ebmbeni nga fjal\u00ebt e mia q\u00eb ju damkosin si me hekur t\u00eb kuq. Un\u00eb e di se \u00e7’\u00ebsht\u00eb tirania, kjo bish\u00eb e sh\u00ebmtuar q\u00eb ushqehet me gjak, q\u00eb jeton vet\u00ebm me gjak. Ju s’munt t\u00eb q\u00ebndroni ndryshe ve\u00e7 duke derdhur gjak, gjersa t\u00eb mbyteni edhe iu vet\u00eb n\u00eb gjakun t’uaj.<\/em><\/p>\n\n\n\n

K\u00ebshtu foli edhe Namiku. Namiku i urt\u00eb e i dashur q\u00eb m\u00eb par\u00eb kish turp kur fliste e skuqej si nuse, tani \u00e7faqej me pamje tjet\u00ebr, tani i shkrepnin syt\u00eb shk\u00ebndija si \u00e7elniku dhe i luanin rrembat e gjakut n\u00eb nj\u00eb \u00e7fryrje burr\u00ebrie, pse ish tjet\u00ebr flak\u00eb ajo q\u00eb e ndiste p\u00ebrbrenda.<\/p>\n\n\n\n

K\u00ebshtu fol\u00ebn. Pastaj t\u00eb dy bashk\u00eb, si ata p\u00ebllumbat q\u00eb i \u00e7onin p\u00ebr t\u00eb therur n\u00eb tempujt e vjet\u00ebr, i vajt\u00ebn vdekjes duke k\u00ebnduar.<\/p>\n\n\n\n

Por djal\u00ebria jon\u00eb nuk mposhtet n\u00eb k\u00ebt\u00eb dyel epik. Merr plumba, jep plumba. Sqyfteri i Kosov\u00ebs, Haki Taha, k\u00ebrcen n\u00eb mest t\u00eb Prishtin\u00ebs dhe e vret br\u00ebnda n\u00eb zyr\u00eb Miladin Popovi\u00e7-in, organizonj\u00ebsin e Partis Komuniste Shqiptare, aktorin kryesor t\u00eb k\u00ebsaj tragjedije. Pastaj rrethohet, lufton e mbetet. Nd\u00ebrsa t\u00eb tjer\u00eb shampion\u00eb t\u00eb djal\u00ebris\u00eb s\u00eb sotme, si Kazaz\u00ebt e Shkodr\u00ebs, valavitnin p\u00ebrjashta flamurin e panjoll\u00eb dhe iu tregonin mal\u00ebsor\u00ebvet t\u00eb Veriut se jeta shqiptare s’duhet t\u00eb ket\u00eb m\u00eb kuptimin e bajrakut, se mal\u00ebsor\u00ebt duhet t\u00eb pushojn\u00eb s\u00eb vrari shoqi-shojn\u00eb, mal\u00ebsor\u00ebt q\u00eb i k\u00ebputi skami e mjerimi, mal\u00ebsor\u00ebt q\u00eb s’kan\u00eb tjet\u00ebr p\u00ebrve\u00e7 shpirt e gjak por q\u00eb edhe gjaku i tyre ka q\u00ebn\u00eb shitur gjer tani si pla\u00e7k\u00eb tregtie, mal\u00ebsor\u00ebt q\u00eb qen\u00eb dikur k\u00ebshtjell\u00eb e komb\u00ebsis\u00eb, duhet t’i k\u00ebrkojn\u00eb jet\u00ebs kushte t\u00eb reja.<\/p>\n\n\n\n

Shqip\u00ebria do t\u00eb ket\u00eb buk\u00eb p\u00ebr t\u00eb gjith\u00eb, jeta do t\u00eb ket\u00eb g\u00ebzim edhe p\u00ebr ju t\u00eb mjer\u00eb – thoshte Jupi, i \u00ebmb\u00ebl e i qeshur si gjithnj\u00eb – por duhet t’ia nxjerrim me forc\u00eb. A ini burra t\u00eb fort\u00eb pra ?
-Po mana, p\u00ebrgjigjeshin mal\u00ebsor\u00ebt, kena me ia nxerr\u00eb me forc\u00eb.<\/p>\n\n\n\n

Jupi e Seiti, dy nga djemt\u00eb m\u00eb t\u00eb mir\u00eb t\u00eb m\u00ebm\u00ebs Shqip\u00ebri, i filsnin popullit me gjuh\u00ebn e zemr\u00ebs, me gjuh\u00ebn e t\u00eb riut ; prandaj i fitonin zemr\u00ebn. Prandaj duheshin, nderoheshin e pasoheshin kudo. Por Kazaz\u00ebt nuk kufizoheshin vet\u00ebm n\u00eb fjal\u00eb e k\u00ebshilla, ata goditnin, sulmonin, donin t\u00eb brenin vargojt e tmerrit. N\u00eb nj\u00eb nga sulmet q\u00eb i b\u00ebn\u00eb qytetit, mbet\u00ebn t\u00eb rrethuar dhe vendosn\u00eb t\u00eb mbarojn\u00eb si burra.<\/p>\n\n\n\n

Kur partizan\u00ebt ulurinin “kapini me dor\u00eb, me dor\u00eb”, Kazaz\u00ebt trima p\u00ebrgjigjeshin: “Mos u-ngutni bre laro t\u00eb pabes\u00eb e t\u00eb pa-atdhe ; se ideja shtypet po s’thyhet, se flamuri digjet po s’jepet, se trimi vritet po s’kapet”. Dhe duke e ndezur vendin flak\u00eb si Oso Kuka, e b\u00ebn\u00eb Shkodr\u00ebn e rrept\u00eb t\u00eb dridhet edhe nj\u00eb her\u00eb si n\u00eb koh\u00ebn e trim\u00ebrivet legjendare.<\/p>\n\n\n\n

K\u00ebshtu mbarojn\u00eb djemt e shqipes. T\u00eb tjer\u00eb shuhen burgjevet. Burgjet e lag\u00ebt e t’err\u00ebt po p\u00ebrpijn\u00eb si goj\u00eb kul\u00e7edrash me qindra t\u00eb rinj e t\u00eb reja, djem e vajza shqiptare. Po vajzat, vajzat \u00e7’zem\u00ebr tregojn\u00eb. N\u00eb krye t\u00eb tyre q\u00ebndron Musine Kokalari. Musineja shkrimtare, Musineja e k\u00ebnd\u00ebshme e fjal\u00eb-\u00ebmb\u00ebl q\u00eb e donte Shqip\u00ebrin\u00eb me t\u00ebr\u00eb thjesht\u00ebsin\u00eb e zemr\u00ebs, ashtu si\u00e7 din\u00eb t\u00eb dashurojn\u00eb vet\u00ebm krijesat e fis\u00ebshme. N\u00eb burgun tjet\u00ebr dergjet Neti Fuga, trim\u00ebresha e malevet. M\u00eb tej, veniten t\u00eb tjera vajza shqiptare. Duket sikur s’ven\u00eb re fare pse iu fishket bukuria dita dit\u00ebs mbi d\u00ebrrasat e ashp\u00ebra, dhe gjymtyr\u00ebt e njoma iu murr\u00ebtohen nd\u00eb hekura. Ato g\u00ebzohen me bukurin\u00eb e shpirtit. Shpirti i tyre, i past\u00ebr si er\u00eb lulesh, i \u00e7pon muret e trasha t\u00eb burgjevet, p\u00ebrhapet e iu ndrin gravet shqiptare si flak\u00eb qiriri.<\/p>\n\n\n\n

Kjo \u00ebsht\u00eb rinia e sotme.<\/p>\n\n\n\n

Djal\u00ebria e P\u00ebrjet\u00ebshme<\/strong><\/p>\n\n\n\n

P\u00ebr nj\u00eb q\u00eb s’\u00ebsht\u00eb m\u00ebsuar t’i shoh\u00eb gj\u00ebrat n\u00eb vij\u00ebn e historis\u00eb, gjith\u00eb ky gjak, i derdhur e tmerron, e b\u00ebn t\u00eb humbas\u00eb arsyen, kujton se mbaroi kombi. Jo, mos u-trembni, kombi del m’i fort\u00eb akoma. Dijeni se historia, kjo nd\u00ebrtes\u00eb vigane, i ka themelet mbi gjak e trupa njer\u00ebzish. Vet\u00ebm popujt q\u00eb l\u00ebvizin jetojn\u00eb, ata q\u00eb rrijn\u00eb n\u00eb vent jan\u00eb si stiv\u00eb mishi q\u00eb qelbet. Ne pat\u00ebm fatin t\u00eb ndodhemi ndoshta n\u00eb nj\u00eb nga \u00e7astet m\u00eb t’interes\u00ebsh\u00ebm q\u00eb ka shkuar njer\u00ebzia. Popujt sot gjenden n\u00eb nj\u00eb shtek kap\u00ebrximi, jan\u00eb duke b\u00ebr\u00eb nj\u00eb kthes\u00eb t\u00eb madhe drejt nj\u00eb t’arthmeje tjet\u00ebr. Rrota e jet\u00ebs sociale nuk kthehet aq\u00eb leht\u00eb pa shtypur mijra e milion\u00eb njer\u00ebs. Komunizmi do t\u00eb jet\u00eb ndoshta drithma e fort\u00eb q\u00eb e p\u00ebrshkoj njer\u00ebzin\u00eb p\u00ebrpara se kjo t\u00eb kaloj\u00eb n\u00eb t\u00eb tjera fate. Mbajini lart zemrat. Mos th\u00ebrrisni si \u00e7iliminj kur shikoni gjak t\u00eb derdhur. Asgj\u00eb s’shkon humbur n\u00eb natyr\u00eb. Rrebeshi i fort\u00eb q\u00eb grryen malet e kodrat, vesh fushat me ler\u00eb t\u00eb majme. Kur bima e nj\u00eb vere bie e kalbet n\u00eb dhe, e b\u00ebn tok\u00ebn m\u00eb pjellore p\u00ebr ver\u00ebn tjet\u00ebr. Kur nj\u00eb brez humbet gjak n\u00eb fush\u00ebn e idevet, fiton shpirt aq\u00eb her\u00eb m\u00eb shum\u00eb, fiton fuqi krijonj\u00ebse q\u00eb i japin kombit, me t\u00eb \u00e7elur t\u00eb paqes, nj\u00eb tjet\u00ebr dalldisje lul\u00ebzimi. Kur ka qen\u00eb populli yn\u00eb – flas p\u00ebr n\u00eb koh\u00ebt e vona – kaq\u00eb i gjall\u00eb, dhe kur ka pasur nj\u00eb bot\u00eb-kuptim kaq\u00eb t\u00eb gjer\u00eb sa sot ? Cili bres \u00ebsht\u00eb treguar m’i hedhur, m\u00eb trim, m\u00eb rremba-zjarr nga ky i sotmi ? pse thoni q\u00eb u-p\u00ebrgjunj kombi kur shpirti i tij \u00ebsht\u00eb sot m’i fort\u00eb se kurr\u00eb, \u00ebsht\u00eb b\u00ebr\u00eb \u00e7elnik i zjer\u00eb tri her\u00eb ? Si s’do t\u00eb mund\u00eb brezi i sotm\u00eb pra, ky bres i pjell\u00eb nga zjarri, t\u00eb hap\u00eb udh\u00ebt e s’arthmes, t’a z\u00ebr\u00eb fatin e mir\u00eb, at\u00eb kal\u00eb t’eg\u00ebr, e t’a mb\u00ebrthej\u00eb me pahir n\u00eb qerren e Shqip\u00ebris\u00eb ?<\/p>\n\n\n\n

Mos kini frik\u00eb. Nuk \u00e7faroset djal\u00ebria. Nuk shterron burimi i jet\u00ebs. Vriten nj\u00eb pjes\u00eb, t\u00eb tjer\u00eb ngjallen. Ideja jon\u00eb sot, ideja q\u00eb pat\u00ebn mbjell\u00eb demokrat\u00ebt e v\u00ebrtet\u00eb, po lul\u00ebzon n’atdhe m’e mbar\u00eb se kurr\u00eb, si nj\u00eb far\u00eb e pajt\u00eb q\u00eb e do toka. Forcat e reja q\u00eb lindin po grumbullohen rreth saj si lulet pas deg\u00ebs. Por edhe ajo pjes\u00eb e t\u00eb rinjvet t\u00eb mitur q\u00eb qen\u00eb g\u00ebnjyer pas propagand\u00ebs s\u00eb keqe, po kthen n’udh\u00ebn e drejt\u00eb tani q\u00eb komunizmi e grisi mask\u00ebn e siren\u00ebs k\u00ebng\u00ebtare dhe nxori n\u00eb shesh fytyr\u00ebn e ariut. Lajmet nga Shqip\u00ebria na thon\u00eb se djal\u00ebria l\u00ebvis si gjithnj\u00eb. Oficer\u00eb t\u00eb vegj\u00ebl, n\u00ebnoficer\u00eb, ushtar\u00eb, djem shkollash, djem fshatrash e qytetesh q\u00eb grumbullohen n\u00eb pun\u00eb t\u00eb detyruara, k\u00ebrkojn\u00eb njeri-tjetrin, afrohen, k\u00ebmbejn\u00eb mendime, ngushullohen, forcohen, organizohen n\u00eb grupe t\u00eb fsheht\u00eb p\u00ebr t’i dal\u00eb zot s’arthmes. K\u00ebshtu lidhet rrjeta e q\u00ebndres\u00ebs komb\u00ebtare, e cila pret nga nj\u00eb dit\u00eb n\u00eb tjetr\u00ebn kushtrimin e udh\u00ebheq\u00ebsvet demokrat\u00eb p\u00ebr t’i b\u00ebr\u00eb malet t’ona t\u00eb gj\u00ebmojn\u00eb edhe nj\u00eb her\u00eb nga klithmat e kryengritjes.<\/p>\n\n\n\n

Djal\u00ebria dhe politikan\u00ebt<\/strong><\/p>\n\n\n\n

Por duhet t\u00eb dijm\u00eb se djal\u00ebria shqiptare s’duron dot m\u00eb intrig\u00ebn e p\u00ebr\u00e7arjes n\u00eb krahina e bajraqe, n\u00eb fe e fise, m\u00ebnyra q\u00eb kan\u00eb p\u00ebrdorur t\u00eb huajt\u00eb p\u00ebr t\u00eb marr\u00eb k\u00ebshtjell\u00ebn t’on\u00eb nga brenda dhe sundimtar\u00ebt e vendit p\u00ebr t’a mbajtur popullin t\u00eb ndar\u00eb n\u00eb zon\u00eb influencash, q\u00eb k\u00ebshtu t\u00eb munt t’a shfyt\u00ebzonin e t’a p\u00ebrdornin pas qejfit si nj\u00eb pron\u00eb t\u00eb tyren. Djal\u00ebria shqiptare i ngjit n\u00eb ball\u00eb damk\u00ebn e trath\u00ebtarit kujdoj q\u00eb mbjell p\u00ebr\u00e7arje t\u00eb k\u00ebtilla, larove t\u00eb djesh\u00ebm e t\u00eb sotm\u00eb q\u00eb qen\u00eb m\u00ebsuar t\u00eb han\u00eb pa kursim mbi trupin e atij populli t’uritur, si hiena n\u00eb mish t\u00eb vdekuri.<\/p>\n\n\n\n

Djal\u00ebria shqiptare i kap\u00ebrxeu dob\u00ebsit\u00eb e k\u00ebtyre lloj p\u00ebr\u00e7arjeve, ajo tani udh\u00ebhiqet vet\u00ebm nga drit\u00eb e idevet, ajo dridhet e t\u00ebr\u00eb n\u00eb nj\u00eb frym\u00eb, ajo \u00e7ohet e t\u00ebr\u00eb me nj\u00eb fjal\u00eb q\u00eb nga bjeshk\u00ebt e vrenjtura t\u00eb Kosov\u00ebs gjer tek buz\u00ebt e qeshura t\u00eb detit Jonian.<\/p>\n\n\n\n

Klikat e vjetra sundonj\u00ebse q\u00eb mbaheshin n\u00eb fuqi p\u00ebr hir t\u00eb rrethanavet t\u00eb ndryshme, ran\u00eb, u-shuan\u00eb. Edhe ato copra t\u00eb kalbura q\u00eb kan\u00eb mbetur aty-k\u00ebtu, s’ushtrojn\u00eb m\u00eb asnj\u00eb funksion n\u00eb jet\u00ebn e popullit, vet\u00eb organizmi i kombit i hodhi posht\u00eb si gj\u00ebra t\u00eb mplakura. Brezi i ri ka hyr\u00eb kudo n\u00eb popull si nj\u00eb nervatur\u00eb e re. T\u00eb rinjt\u00eb e drejtojn\u00eb jet\u00ebn n\u00eb qytete, t\u00eb rinjt\u00eb po e drejtojn\u00eb jet\u00ebn n\u00ebp\u00ebr fshatra. Ata jan\u00eb fryma, gjaku q\u00eb e v\u00eb kombin n\u00eb l\u00ebvizje dhe e v\u00ebn\u00eb n\u00eb l\u00ebvizje andej nga mendojn\u00eb ata. Nj\u00eb parti politike shqiptare q\u00eb s’ka me vehte djal\u00ebrin\u00eb, vet\u00eb-quhet “parti” dhe b\u00ebn si ai q\u00eb k\u00ebrkon t\u00eb shartoj\u00eb mbi k\u00ebrcu t\u00eb that\u00eb.<\/p>\n\n\n\n

Esht\u00eb p\u00ebr t’u-v\u00ebn\u00eb re se dy ide t\u00eb m\u00ebdha kan\u00eb b\u00ebr\u00eb rrug\u00eb n\u00eb brezin e sotm\u00eb shqiptar dhe jan\u00eb tiposur n\u00eb mendjen e \u00e7do t\u00eb riu.<\/p>\n\n\n\n

E para, nd\u00ebrsa klikat e vjetra e quanin popullin si nj\u00eb l\u00ebnd\u00eb pa shpirt dhe s’e vinin fare n\u00eb llogari vullnetin as interesin e tij, ve\u00e7 rregulloheshin n\u00eb mest tyre duke i mbajtur vesh\u00ebt ngrehur n’agjensit\u00eb politike t\u00eb jashtme p\u00ebr t\u00eb kuptuar se cil\u00ebs fuqie t\u00eb huaj po i vjen rradha t\u00eb v\u00ebr\u00eb dor\u00eb mbi Shqip\u00ebrin\u00eb, q\u00eb k\u00ebshtu t\u00eb shpejtonin e t’i b\u00ebheshin ur\u00eb, brezi i ri e ka p\u00ebrq\u00ebndruar mendimin e tij brenda n\u00eb popull, \u00ebsht\u00eb lidhur e b\u00ebr\u00eb nj\u00eb me popullin, s’njeh tjet\u00ebr ligj as tradit\u00eb politike ve\u00e7 interesit t\u00eb popullit, dhe \u00ebsht\u00eb i vendosur gjer n\u00eb vdekje p\u00ebr t’a b\u00ebr\u00eb vullnetin komb\u00ebtar t\u00eb triumfoj\u00eb mbi \u00e7do lakmi a kanosje imperialiste.<\/p>\n\n\n\n

E dyta, brezi i sotm\u00eb e ka kuptuar mir\u00eb se popujt po shkojn\u00eb drejt nj\u00eb rregullimi nd\u00ebrkomb\u00ebtar t\u00eb ri. Udha q\u00eb kan\u00eb marr\u00eb qytet\u00ebrimi dhe zhvillimi ekonomik i koh\u00ebs s’on\u00eb, po i \u00e7on kombet, me dashje pa dashje, n\u00eb nj\u00eb tjet\u00ebr plan marr\u00ebdh\u00ebniesh dhe bashk\u00ebpunimi. Edhe populli yn\u00eb pra duhet pregatitur shpirt\u00ebrisht p\u00ebr nj\u00eb jet\u00eb t\u00eb re nd\u00ebrkomb\u00ebtare. T\u00eb rinjt\u00eb nuk po i mungojn\u00eb k\u00ebsaj detyre. Ata e din\u00eb se nuk arrihet liri, paqe as mbar\u00ebsi n\u00eb bot\u00eb po nuk u bashk\u00ebrendit\u00ebn fuqit\u00eb e t\u00eb gjith\u00eb popujvet n\u00eb nj\u00ebsira politiko-ekonomike m\u00eb t\u00eb m\u00ebdha.<\/p>\n\n\n\n

P\u00ebrpara Djal\u00ebri !<\/strong><\/p>\n\n\n\n

P\u00ebrpara pra djal\u00ebri, se sot duhet forca e jote. Ti je vale e fuqishme q\u00eb hap udh\u00eb pa udh\u00eb, q\u00eb shemp pengesa, q\u00eb k\u00ebput vargonj. Ku ka cikllop m\u00eb t\u00eb fort\u00eb nga ti p\u00ebr t\u00eb kthyer jet\u00ebn e popujvet n\u00eb forma t\u00eb reja ? Ty s’t\u00eb p\u00ebrmban asgj\u00eb. Ti s’mposhtesh as mbarohesh. Atje ku bie gjaku i nj\u00eb t\u00eb riu, dalin si nga dheu qindra t\u00eb tjer\u00eb q\u00eb ndjekin udh\u00ebn e nisur. Pse fryma q\u00eb t\u00eb ve ty n\u00eb l\u00ebvizje, \u00ebsht\u00eb si frym\u00eb e prendver\u00ebs q\u00eb \u00e7el lule nga do shkon ; pret sa mund drap\u00ebr’i ashp\u00ebr, t\u00eb tjera dalin me ves\u00ebn e m\u00ebngjezit.<\/p>\n\n\n\n

P\u00ebrpara Djal\u00ebri ! Pasardh\u00ebse e denj\u00eb e st\u00ebrgjysh\u00ebvet t\u00eb tu ; ti q\u00eb e tregove me prova se e paske gjith\u00ebnj\u00eb n\u00eb gjak shk\u00ebndij\u00ebn trim\u00ebrore t\u00eb t\u00eb par\u00ebvet t’on\u00eb q\u00eb rr\u00ebmbenin n\u00eb fush\u00ebn e arm\u00ebvet lavdi p\u00ebrmbi lavdi.<\/p>\n\n\n\n

P\u00ebrpara Djal\u00ebri ! E vendosur si gjithmon\u00eb, e arsyeshme, e bindur tek udh\u00ebheq\u00ebsit e tu, p\u00ebrpara ! Me shpres\u00eb t\u00eb gjall\u00eb, me zem\u00ebr t\u00eb fort\u00eb, me sy t\u00eb patrembur, se fatet e Shqip\u00ebris\u00eb i ke n\u00eb dor\u00eb.<\/p>\n\n\n\n

Gazeta FLAMURI, mars-prill 1951<\/em><\/p>\n","protected":false},"excerpt":{"rendered":"

Profesor Abas Ermenji Kur sjellim nd\u00ebr ment se dramin t’on\u00eb komb\u00ebtar t\u00eb k\u00ebtyre dhjet\u00eb vjet\u00ebve t\u00eb fundit […]<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":[],"categories":[3,13],"tags":[31,324,325],"_links":{"self":[{"href":"http:\/\/www.ballikombetar.org\/index.php\/wp-json\/wp\/v2\/posts\/1455"}],"collection":[{"href":"http:\/\/www.ballikombetar.org\/index.php\/wp-json\/wp\/v2\/posts"}],"about":[{"href":"http:\/\/www.ballikombetar.org\/index.php\/wp-json\/wp\/v2\/types\/post"}],"author":[{"embeddable":true,"href":"http:\/\/www.ballikombetar.org\/index.php\/wp-json\/wp\/v2\/users\/1"}],"replies":[{"embeddable":true,"href":"http:\/\/www.ballikombetar.org\/index.php\/wp-json\/wp\/v2\/comments?post=1455"}],"version-history":[{"count":3,"href":"http:\/\/www.ballikombetar.org\/index.php\/wp-json\/wp\/v2\/posts\/1455\/revisions"}],"predecessor-version":[{"id":1458,"href":"http:\/\/www.ballikombetar.org\/index.php\/wp-json\/wp\/v2\/posts\/1455\/revisions\/1458"}],"wp:attachment":[{"href":"http:\/\/www.ballikombetar.org\/index.php\/wp-json\/wp\/v2\/media?parent=1455"}],"wp:term":[{"taxonomy":"category","embeddable":true,"href":"http:\/\/www.ballikombetar.org\/index.php\/wp-json\/wp\/v2\/categories?post=1455"},{"taxonomy":"post_tag","embeddable":true,"href":"http:\/\/www.ballikombetar.org\/index.php\/wp-json\/wp\/v2\/tags?post=1455"}],"curies":[{"name":"wp","href":"https:\/\/api.w.org\/{rel}","templated":true}]}}